养生必食:抗疲劳滋补 马卡 火锅 @Dining娜

2020-06-18 169人围观

(Presented by不倒翁)

以饮食养生已成为热潮,我Dining娜同好多都市人一样成日唔够瞓、工时长、压力大,都好需要养生,偏偏我又係火锅控。最近见到不倒翁新推出秘鲁 马卡 汤底,竟然将养生同我最爱嘅打边炉结合,梗係即试啦!嚟紧星期日就係父亲节,带老窦食呢个抗疲劳滋补汤底,慰劳下每日做嘢辛苦嘅佢,肯定讚你乖仔乖女!

滋补大热:秘鲁 马卡 汤底

近年 马卡 喺养生界好流行,我Dining娜都试过用马卡沖水饮,不过如果用马卡熬汤做火锅就更加正!好欣赏不倒翁咁紧贴潮流,新增呢款马卡汤底,严选来自秘鲁嘅马卡,质素当然比来自云南、新疆的好。

马卡有「秘鲁人参」之称,具滋补养身功效,尤其是对抗疲劳、补充体力、提升睡眠质素、纾缓压力好有效,啱晒成日易攰、工作压力大、易失眠嘅都市人,男女都啱。不倒翁嘅秘鲁马卡汤底,加入多种温和嘅药材,包括党参、圆肉、杞子、芡实、果皮等熬製,味道清淡顺喉,配搭海南文昌鸡或猪骨打边炉,就可以增加浓香鲜味。

养生必食:抗疲劳滋补 马卡 火锅 @Dining娜
马卡汤底(可选文昌鸡或猪骨)严选来自秘鲁嘅马卡,加入党参、圆肉、杞子等熬製,滋补又能抗疲劳,仲可以改善睡眠,都市人最啱。

休渔期食激罕海鲜

好多海鲜达人以为休渔期会「无啖好食」,咁你就错喇!不倒翁店主洪哥喺海鲜业界人脉甚广,同好多活海鲜供应商熟稔,就算係休渔期都可以食到市面上供应量少嘅激罕海鲜,例如海鱼花英斑、红瓜子斑等都会照常供应,打边炉都有靓海鲜食。新鲜刺身亦係呢度嘅招牌必点,加拿大顶级象拔蚌、南非特大鲍鱼、澳洲龙虾,通通都係每日生猛到店,而且即叫即劏,够晒新鲜,海鲜迷肯定大满足!

养生必食:抗疲劳滋补 马卡 火锅 @Dining娜
即使在休渔期,仍可食到花英斑、红瓜子斑等罕有海鱼,而加拿大象拔蚌、南非鲍鱼、澳洲龙虾都係新鲜到店,放喺鱼缸,柯打时才即叫即劏。
养生必食:抗疲劳滋补 马卡 火锅 @Dining娜
加拿大顶级象拔蚌接到柯打时新鲜活劏,当然要食刺身,不过亦可以打边炉或椒盐煮,食法多元化。
养生必食:抗疲劳滋补 马卡 火锅 @Dining娜
南非特大鲍鱼每只大到要两只手先攞到,原来有成3斤重,厚切最能食到佢嘅鲜甜味!
养生必食:抗疲劳滋补 马卡 火锅 @Dining娜
极上刺身盛盘(4-6位用)带子、海胆、剑鱼腩、牡丹虾……全部空运直送到港,超鲜甜,口感丰腴肥美。

人气配料、烧物

手切肥牛脊係不倒翁嘅指定必食火锅配料,店主对食材好有要求,认为位于颈部以下嘅脊位,有牛味,而且雪花丰富均匀,肉质软腍,灼后口感依然鬆化,每枱一坐低几乎必叫最少一碟。如果想食猪,都有靓猪推介,就係36个月西班牙Iberico黑毛猪喇,一般火锅店绝对唔多见!店主仲会严选肩胛肉眼位,贪佢够肉香,油花又多。

好多人都锺意饮住酒打边炉,下酒人气必食当然要推介长期热卖嘅烧物,烧牛脷、牛仔粒、鸡翼都係大热之选!同老窦、家人一齐食,叫个拼盘,齐齐啤啤佢最开心!

养生必食:抗疲劳滋补 马卡 火锅 @Dining娜
不倒翁金牌手切肥牛(脊位)牛脊位油花均匀香口,灼后不失浓郁牛味,软腍而有咬口,推介!
养生必食:抗疲劳滋补 马卡 火锅 @Dining娜
西班牙黑毛猪(肩胛肉眼位)Iberico黑毛猪雪花纹理媲美和牛,油花甘香,严选肩胛肉眼位,质感好嫩滑。
养生必食:抗疲劳滋补 马卡 火锅 @Dining娜
烧物烧牛脷、牛仔粒、鸡翼,香口惹味,佐酒一流!

不倒翁中日火锅料理

尖沙咀店:弥敦道63号iSQUARE国际广场23楼(2152 1166)

佐敦店:佐敦道23-29号新宝广场2楼(3526 0918)

铜锣湾店:勿地臣街1号时代广场11楼1101号舖(3102 9363)

备注:设加一,收现金及信用卡

Facebook:不倒翁中日火锅 Budaoweng Hotpot Cuisine

推荐文章